Դեմքի ձգման պլաստիկ վիրաբուժության այս եղանակն ուղղված է թուլացած մաշկի հեռացմանը, կնճիռների, քթի և շուրթերի հատվածի ծալքերի հարթեցմանը, ինչպես նաև մաշկի ծերացման այլ նշանների շտկմանը: Վիրահատության ընթացքում հեռացվում է ավելորդ ճարպը: Դեմքի ձգման համար իդեալական տարիք է համարվում 40-60-ը, հենց այս շրջանում է սկսվում մաշկի ծերացման գործընթացը, բայց այն դեռ պահպանում է էլաստիկությունն ու վերականգնվելու հնարավորությունը, իսկ ոսկորային կառույցների վրա դեռ առկա չեն տարիքային կոպիտ փոփոխությունները: Ըստ ցուցումների կրկնակի վիրահատություը հնարավոր կլինի 7-10 տարի հետո: Դեմքի ձգման հիմնական նպատակն է կնճիռների հարթեցումը (գլխավորապես պարանոցի և այտերի հատվածում)
Դեմքի ձգման ցուցումներ և հակացուցումներ
Մասնագետները ռացիոնալ և հիմնավորված են համարում հետևյալ ցուցումները.
- Դեմքի փափուկ հյուսվածքների թուլացում;
- Հոնքերի և ճակատի մաշկի թուլացում;
- Աչքերի անկյունների կնճիռներ;
- Վառ արտահայտված ծալքեր քթի և շուրթերի հատվածում;
- Երկրորդ կզակի առկայություն;
- Ուղղաձիգ կնճիռների առկայություն;
- «Բրիլներ», ինչը օվալաձև դեմքին ալիքաձև տեսք է տալիս:
Դեմքի ձգման բացարձակ հակացուցումներ
- Ուռուցքաբանական կամ ինֆեկցիոն հիվանդություններ;
- Սուր, խրոնիկ հիվանդություններ;
- Շաքարախտ;
- Արյունահոսության հետ կապված խնդիրներ:
Ցուցումներին և հակացուցումներին առավել մանրամասն ծանոթանալու համար Ձեզ կօգնի մասնագետի խորհրդատվությունը: Տվյալ հաճախորդի առողջական վիճակին ծանոթանալուց հետո միայն բժիշկը կարող է կատարել եզրակացություն և անցկացնել վիրահատություն, սակայն անշուշտ վերջնական որոշումը հաճախորդինն է, ով պարտադիր ստորագրում է համաձայնագիր, որտեղ նշված են հնարավոր վտանգները:
Դեմքի ձգնան մեթոդներ
Դեմքի ձգման վիրահատության անցկացման առանձնահատկությունները կախված են հաճախորդի առողջական վիճակաից և խնդիրներից, որոնց առաջ կանգնած է բժիշկը: Մեթոդի ընտրությունը տեղի է ունենում նախնական խորհրդատվությունից հետո:
Դեմքի և պարանոցի ձգման պարզ մեթոդ
Վիրաբուժության ընթացքում վիրաբույժը ուղղում է դեմքի հյուսվածքների դիրքը, ֆիքսում և կտրում մաշկի ավելորդ մասերը: Կտրվածքների հատվածները որոշվում են խորհրդատվության ժամանակ: Որպես կանոն դրանք հետագայում մնում են աննկատ, իսկ արդյունքը կհիացնի Ձեզ 7-8 տարի:
SMAS – լիֆթինգ
SMAS մեթոդով դեմքի ձգումն անցկացվում է վերին մկանային ապոներվիկ շերտի օգնությամբ, որը գտնվում է խորը մաշկի տակ և մաշկի պաշտպանման ֆունկցիան է կատարում: Նմանատիպ վիրահատությունը տեղի է ունենում ապոներվիկ մկանային շերտի ձգման հաշվին: Տարբերակում են SMAS-լիֆթինգի երկու եղանակ՝1. Վիրաբուժական 2. Ոչ վիրահատական: Նպատակահարմար է ոչ վիրահատական մեթոդն օգտագործել տարիքային չափավոր փոփոխությունների ժամանակ, որն անցկացվում է ուլտրաձայնային բուժման միջոցով, իսկ ավելի արտահայտված փոփոխութունների ժամանակ օգտագործվում է վիրաբուժական մեթոդը, որն ուղղված է մաշկի աելորդ շերտի հեռացմանը:
Էնդոսկոպիկ-լիֆթինգ
Այս մեթոդը թույլ է տալիս շտկել դեմքի և պարանոցի հյուսվածքների տեղային արատները: Էնդոսկոպիկ-լիֆթինգի անցկացման համար հարմար տարիք է 30-45: Ձգման այս մեթոդն անցկացվում է դեմքի և ճակատի միջին հատվածների համար, ինչը թույլ է տալիս հեռացնել ճակատային հատվածի կնճիռները և վերացնել աչքերի անկյունների կնճիռները: Վիրահատությունը կատարվում է էնդոսկոպ սարքի միջոցով: Էնդոսկոպիկ-լիֆթինգի արդյունքը Ձեզ կհիացնի 5 տարի: